«Қызығушылықтан мамандыққа»: 9-сынып оқушыларына арналған танымдық-интеллектуалдық ойын

2026 жылғы 23 қазанда Көкшетау қаласындағы № 2 мектеп-лицейінде Көкшетау жоғары техникалық колледжімен және Басболатова А.Р. жетекшілігімен жұмыс істейтін «Профбилдинг» активімен бірлесіп, «Қызығушылықтан мамандыққа» атты танымдық-интеллектуалдық ойын өткізілді.

Іс-шараның мақсаты — оқушылардың мамандықтар әлемі туралы түсініктерін қалыптастыру, танымдық көкжиегін кеңейту және Көкшетау жоғары техникалық колледжінің мамандықтарымен таныстыру.

Ойынға 9-сынып оқушыларынан құралған екі команда қатысты. Қатысушылар өз білімдерін, тапқырлықтарын, зеректіктерін және топпен жұмыс істеу қабілеттерін көрсетті.

Іс-шараның кіріспе сөзін Көкшетау жоғары техникалық колледжінің кәсіптік бағдар берушісі Ибраев Бауыржан Қайыркенұлы сөйлеп, оқушыларды ойынның ережелерімен және өткізілу тәртібімен таныстырды. Сонымен қатар болашақ мамандықты саналы түрде таңдаудың маңыздылығын атап өтті.

Ойын барысында оқушылар өз қабілеттерін танытып, техникалық бағыттағы мамандықтар туралы ақпарат алды және болашақ кәсіби жолдары жөнінде ойлануға мүмкіндік алды.

Іс-шара қызықты әрі танымды өтіп, оқушылардың кәсіби қызығушылықтарын арттыруға және мамандық таңдауға деген жауапкершілігін қалыптастыруға ықпал етті.

Осындай кездесулер оқушылардың қабілеттерін ашуға, заманауи мамандықтар туралы түсініктерін кеңейтуге және болашақ мамандықтарын саналы түрде таңдауға бағыт береді.